Tanga Wala. Walang Tanga.



Kung sinasabi mong sinabi ko at sinasabi mong may nasasabi ako, ano 'yang pinagsasabi mo?

Kung inaakala mong aakalain ko ang inaakala mo, akala mo lang 'yun!

Kung nagwawala ka dahil walang-wala ka, walang mawawala kung mawawala ka.

Kung iniisip mong iniisip ko dahil naisip mo ang naiisip ko, mag-isip-isip ka na.

Kung gawain mo ang gumawa ng mga gawa-gawa dahil wala kang magawa, ano 'yang ginagawa mo?

Kung pinag-uusapan niyo ang mga  pag-uusap ng mga nag-uusap, pakiusap, pag-usapan niyo 'yan!

Kung alam mo lang na alam ko ang nalalaman mo dahil alam mo ang nalalaman ko, ayoko nang alamin!

Ngayon, 'pag sinabi ko sa sa tropa mong "Tanga ka!, sino sa tingin mo ang sinasabihan kong tanga?

Ikaw ba?